سلطان الخير

أكتب هذه الأبيات بمناسبة عودة ولي العهد الأمين صاحب السموا الملكي
الأمير / سلطان بن عبد العزيز أل سعود حفظه الله

[poem=font=",6,darkblue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
باســم الإله مكـون الكون تكـوين = اللي كثير الناس تخشى عذابه
ربًّ خلـق ادم وسـواه مـن طيـن = وانه بشـر بالشيب يفنى شبابه
ألحن أطـروقي بالألحان تلـحيـن = من هاجسً بالشعر باع وشرابه
في كل بيت أمكّن الحرف تمكين =ما حـرره قــدّام يكـمـل زهـابه
واسـوقها سـوق البـكار المزايين = الشـكل واحـد والحـلايا تشـابه
في سيدي سلطان ذخر السلاطين = نسل الملوك أهل الفخر والمهابه
عضيد ابو متعب مـقـيـم القــوانيـن = في حكم شرع الله ومنهج كـتـابه
درع الوطن حامي بلاد الحرمين = مطـوّع العـدوان وقــت الحرابه
وانظّر جنوده كرروا حرب حطين = ما فيـه حــوثي بالمنـام أهـتــنابه
صـقراً تـقـله للـمـهـمـة جنـاحيـن = أطـلق جنـاحه للـهـوى وارتقابه
لين أعتلى فوق النـجوم الملايين = وسـط السمـاء قـدوه لنا يقتـدابه
راع الكرم والجود شيخ الكريمين = غيــثً هماليـله سـحابه ســحابه
أب اليتامى والفقارى المساكين = مــلاذ للمضيـوم يــوم ألــتجــابه
في غيبته حاضر بوسط الشرايين = في قـلوبنا موجود لحـظة غـيابه
ولو للوطن دمعه ذرفها من العين = أغرق جميع الناس من حر مابه
والحـــمد للي رد غــالي لغــالين = وآدار عـنا كــل حــزن وكـئابه
بقــدوم أبو خـالد نغني مـهـنيـن = أهلا هلا . وآهلا هلا ياهــلابـه
وطير الفرح غنى وغنّت له البين = وغنى الرياض العاصمة مرحبابه
وترّقص لبو خالد جبال الحجازين = بسهـولها وسهول نجـد وهضابه
وختامها باسـم الرجــال الميامين = ســـليـم أهنـي ســيدي بالـنـيـابه[/poem]

ابو فارس والله مدري ويش اقول صراحه

ابداع

جزاله

حبك

تصوير


صح لسانك على القصيده الشامخه

وحمدلله على سلامة سلطان الخير

يعطيك العافيه
ياكحيلان

الشاعر المبدع " خالد العلوي "

قصيده وطنيه من شعور صادق كتبتها فأبدعت

وأنت مبدع في كل حضور لك تطل علينا بما تمتلك من إبداع

صح لسانك وبيض الله وجهك

تحياتي,,,,

عبدالعزيز البارودي

قصيدة راااااااااائعة


وشعور انساني عظيم






لك التحيه والتقدير



اخوك






ابراهيم النقريني

الاخ الشاعر / خالد العلوي

صح لسانك على هذه القصيده

الجزله في سيدي ولي العهد

ويستاهل ابوخالد وانت كفو

ياشاعرنا الجزل

بسم الله الرحمن الرحيم

الشاعر القدير / خالد العلوي .....

قصيدة جميلة ومعبرة في شخص يستحق منك ومن كل مواطن هذا الشعور الناتج عن الوطنية الحقة ..

تقبل مروري واعجابي ....

الأخوه الأعزاء

عبد الرحمن الحليلي


عبد العزيز البارودي


أبراهيم النقريني


حمدان بن مقحص


عبد الوالي سعد السلمي


شكراً لكم من الأعماق على مروركم العطر

وكلماتكم التي هي وسام على صدري وتاج على راسي

وثنائكم فخر واعتزاز لي وأكبر دافع معنوي على بذل المزيد

والمزيد في خدمة هذا المنتدى الشامخ وأسأل الله لي ولكم

التوفيق .,,


ولكم مني وافر التقدير والإحترام

الشاعر أبو فارس
بيض الله وجهك عدد نجوم السما
وأقول مافيك حيلة
لأن كل قصيدة تكتبها تغطي على الي قبلها
وهذي قصيدة شامخة في رجل شامخ من شاعر جزل
وصح لسانك عدد نجوم السما

تحياتي

عبد المجيد العلوي

صح بدنك وهذا من ذوقك يالغالي

شكراً لك على المرور

وتقبل مني وافر التقدير والإحترام

قصيدة جميلة

الف شكر

تحيتي