موعظة بالشعر ومشاركة في عاصفة الحزم

بسم الله الرحمن الرحيم
السلام عليكم ورحمة الله وبركاته :
اسعد الله جميع اوقاتكم بالخير والمسرات جميعا .

مشاركتي هي موعظة بالشعر تجمع أركان الإسلام الخمسة
قابلة للنقد والتعديل
اقول فيها

سلام والمسلم يطيع الله ومحمد رسوله =
بعد الشهادة والصلاة بوقتها لا جاء حلوله =
مدّي زكاته فالبدن والمال لا من حال حله=
وصوم رمضان وحج بيت الله على من يستطيع=

والثانية لو العدالة ضافية في كل دوله =
ما كان جاء للظلم في بلداننا صوله وجوله =
كلا بكونه ملتهي والحق ما واحد يقوله =
يالله طلبتك وياكريم الوجه ترحمنا جميع =

وهذه قصيدة مشاركة مني في عاصفة الحزم
اقول فيها
سـلام باسم الله بدينا ويـل من يغدر بجاره=
نصليه من نارٍ لهبها يصطلي في كل غارة=
اللي من الفرس ارتشى يبغى يحقق له تجاره=
يبشر بكسر العظم ويخيب الرجاء للطامعين=

ادعوا على الحوثي عسى المولى يعجل بانكساره=
ما يـدري ان المملكـة بارود يالـع من شـراره =
من خـادم البيتين قـول وفعـل واثبتها قراره =
في ربع ساعة دكت صقوره حصون المعتدين=

صح لسانك على الابيات الرائعه

والله ينصر جنودنا البواسل على الزمره الحوثي ومن معاه

اللهم آمين وصح بدنك وشكرا لك
تقبل تحياتي

الشاعر
عنيت الله نويفع السلمي

صح لسااانك وسلم بنانك

نصيحة في محلها نسال اهداية للجميع

وبيض الله وجهك على مشاعرك ومشاركتك بهذه الابيات حيال

مايقوم به الجيش في حماية الدين والوطن

لاعدمناااك

شكر لك وثنائك على النص

محل فخري واعتزازي
لا عدمناك
تقبل خالص تحياتي

تصحيح
مدّي زكاته فالبدن والمال لا من حال حوله