ديوان الشاعر/ عبدالوالي سعد السلمي

بسم الله الرحمن الرحيم

[poem=font="arial,6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
طاح العقال اللي مثبّت على الراس = مما جرا لى في طريق المدينة

امشي وفكري به من الهم هوجاس = محزون من ضمن القلوب الحزينه

من شان ابوي اللي غدا بين الأمواس = موس العميل اللي مشمّر يدينه

ما ارضى عليك خلاف يا زين الانفاس = واللي سواتك جعل ربي يعينه

مكتوب والمكتوب ما عنه مرواس = إصبر على المكتوب زينه وشينه

فكّرت في الدنيا وفكّرت في الناس = واعلنتها حربٍ عليهم طحينه

حربٍ على ناسٍ عديمين الاحساس = ما يعرفون الا الصحون السمينه

ما يبصرون الا تحت ضوء الاكباس = وليا طفت تضرب يساره يمينه

هذا كلام اللي مجوّد له الساس = ساسه جويد ومن معادن ثمينه

ينظم بيوت الشِعر ويقيس بقياس = مقياس عاقل ما يغرّه ضمينه

وختامه طالبك يا فارج الباس = تشفي لنا الوالد وتكثر سنينه

[/poem]

بسم الله الرحمن الرحيم

[poem=font=",6,black,normal,normal" bkcolor="transparent" bkimage="" border="double,4,red" type=2 line=1 align=center use=ex num="0,black""]
ابـتــديــنــا بـــإســــم حـــــــلاّل الــصـــعـــاب = خــالـــق الأكــــــوان مــــــا أحــــــدٍ يـخـلــقــه
الــــولــــي الــــلـــــي مـــســـيّـــر لــلــســحـــاب = لـــيــــا نـــــــوى بـــــــه كـــــــل بـــــــرٍ يــغــرقـــه
للنـصـايـح فـــي مـجــال الـشـعــر بــــاب = كــــــل شـــاعـــر فــــــي حــيــاتــه يــطــرقــه
اسـمـعـونــي يـــــا شــيـــوخ ويـــــا شـــبـــاب = قـبــل شــمــس الــغــرب تــبــدي مـشـرقــه
مـــن نـــوى يـجـنـي بـهــا الـدنـيــا ثــــواب = فـــي طـريــق الـخـيـر مـــا احـــدٍ يسـبـقـه
احــــــــذروا دنــــيــــا ويـعـقــبــهــا حــــســــاب = احـــــد فـــــي الــجــنــات واحــــــدٍ يــحــرقــه
يــــا عـســانــا سـالـمـيــن مـــــن الــعـــذاب = فــــي الـجـنــان وفــــي ريـــــاضٍ مـغــدقــه
و يا عسى الكوثر لنا طيب الشراب = مـــــع نــبـــي الـخــيــر أبـــــد مــــــا نــفــرقــه
عصـمـة المخـلـوق فــي حـكـم الغـيـاب = عـــلـــم ثـــابـــت والـــعـــرب مــــــا تــســرقــه
ليا انكفى الماء من يحوقه من تراب = حـــكــــمــــةٍ لـــــلــــــي هـــمــــومــــه تـــرهــــقــــه
الـمـعـاتـب زيــــن فــــي وقـــــت الـعــتــاب = يــــشــــرح الــخـــاطـــر وقــــيــــده يــطــلــقـــه
لـيـا فـقـدت الـضــرس لا تلـحـقـه نـــاب = يـــــــا حــكـــيـــم الــــقــــوم عــلـــمـــي وثــــقــــه
قـلـتـهـا مــــن خــاطــري والــفــال طـــــاب = لـلـعــمــيــل الــــلــــي حــصــيــلـــه مــــدرقـــــه
اخـتـم المـوضـوع واكـتـب فــي الكـتـاب = بــحــر شــعــري كـــــل شــاعـــر يـشــرقــه


[/poem]

ودمتم بخيـــــــــــــر

بسم الله الرحمن الرحيم

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
سر يا قلم واكتب قصيداً عبرناه = من شاعرٍ مرّة عليه العساير
يعلم به اللي كل خلقه تَرَجّاه = اللي عليم بخافيات الضماير
لي صاحبٍ حقبة زمن ما رأيناه = مدري هجر والا تدور الدواير
يالله عساه بخير والخير يبراه = جعله سعيد ولا تصيبه عثاير
يفز قلبي كل ما جيب طرياه = فزة صقورٍ حايفتها سعاير
باذل على قربه ونظرة محياه = كل العلوم الغانمة والسواير
بعض البشر لو يختفي ما فقدناه = والبعض ننثر في غيابه عباير
صدفه بلا موعد تلاقيت وايّاه = في لحظةٍ فيها تضيع البصاير
راعي كرم معروف جزله عطاياه = من بين كل النّاس صافي سراير
كل الخصال الجيدة من مزاياه = وافي ولاهو من هلَ البور باير
له منزلٍ عالي بطيبه تعلّاه = يصعب على رقياه لو طار طاير
يا من يودي له خبرنا ويقراه = واللي يبشر صاحبي له بشاير
يمكن يجينا بعد قفت مطاياه = يطفي لهيبٍ في حشا الجوف ثاير
هذه حقيقه والبواقي مخباه = والخافي اعظم في سجّل السراير
[/poem]

بسم الله الرحمن الرحيم

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
يا سلام الله سلامٍ ما يصيبه جزرا = للرجال اللي تكمّل في طلب طالبها
عد همال السحاب اللي مزونه غزرا = لا غشا الدار السنيه يهتني صاحبها
من ضمير اللي على كسب المراجل ما ازرا = والعلوم الغانمه لأصحابها يجلبها
وا وجودي وجد من صارت حموله عزرا = يوم افكّر في القرايب مختلط حابلها
في زمانٍ فيه رأي القوم عند البزرا = ما خبرت العين تعلو من على حاجبها
شلت هم النّاس وان النّاس فوقي تزرا = لا تقدينا ولن جبت القدا ما اعجبها
زاد همي والضلوع من المواجع فزرا = والعرب ما همها لو مختلف مذهبها
قالها اللي طول عمره ما يحب الهزرا = والمواقف لو تمرّ بحكمته يحسبها
يا عسانا سالمين ولا علينا وزرا = قبل شمس الكون تشرق من جهة مغربها

[/poem]

بسم الله الرحمن الرحيم

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
البارحة عيني شكت جفو الأجفان = وهجوس فكري بين روحه وجيّه
قمت اتفكر في تهاويل الأزمان = اللي تحيّر كل راعي رويّه
الوقت من طيبه كثر فيه فرسان = والكل منهم صار قائد سريّه
و الحق راح بضاعةٍ عند ديّان = اعطيك حق !! ترد حقي عليّه
والمصلحه صارت كتابٍ بعنوان = ومقدّمه على السلوم النقيّه
والصدق ما تلقاه لو بأغلا الأثمان = قليل من قوله على صدق نيّه
واللي معه مال ووجاهه وسلطان = محبوب لو ماله شداد ومطيّه
واللي من الأموال بالحيل فقران = تصعب ظروفه والليالي سنيّه
لوكان فارس خيل في كل ميدان = من بينهم ماله ابد قابليّه
وليا تفقدناك يا حال الأخوان = الكل منهم منتحي في نحيّه
والمشكله ما دام سقمك بالأعيان = طبّه صعيب وعلّته سرمديّه
الوضع ما يرضي وأنا منه زعلان = والعلم منصاه الرجال الوفيّه
لي شرهةٍ واشره بها فوق ظفران = ما اشره على قوم القلوب الرديّه
اللي تثورها على غير نيشان = ما همها غير الردى والزريّه
هذا ولي في الشعر قولٍ وبرهان = وشهودها من محتمين الحميّه
لي ربعةٍ وافخر بهم دوم شجعان = ما نارد إلا للعدود العذيّه
في نصرة المظلوم لو كان ما كان = دخيلنا ما يشتكي محقريّه
مزبان يزبن فيه لن جاه حقران = من بعد رب العرش زبن الرعيّه
والفخر ما هو عيب والأصل شيخان = مثل الجبال النايفات الرسيّه
يا هيه يا راكب مطيّه وعجلان = عليك بالهون المسافه قويّه
من لا بنا بنيه على جيد سيسان = ينهد بنيه بين صبح وعشيّه
لا صرت من بين المخاليق لك شان = ضحيتك منهو رصيده شويّه
لكن لا تنساه خلّاق الأكوان = اللي يجازي كل سيّه بسيّه
وليا عملت احسان يجزاك بأحسان = في الوحده عشره وفي العشر ميّه
نهار عرض اعمالنا فوق ميزان = لا شك كل الخلق ما هم سويّه
البعض منهم فاز والبعض خسران = والعلم كله عند رب البريّه
يالله يا منشي غزيرات الأمزان = يا عالمٍ بالصائبه والخطيّه
تلطف بحال النّاس بدوٍ وحضران = وتزيل عنهم فكرة العنصريّه
طالبك يالمعبود رحمه وغفران = قدام لا تضوي عليّ المنيّه
وختامها صلوا على خير انسان = نبينا المنقذ من الجاهليّه
[/poem]

بسم الله الرحمن الرحيم

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
بديت باسم اللي مشرّع لنا الدين = اللي خلق خلقه من اجل العباده
الواحد اللي كوّن الخلق تكوين = ومدبّره كله بحسب الإراده
إليه شكوى الزول في العسر واللين = امّا شقا والا كتب له سعاده
اخوض بحر الشعر من عمر عشرين = وانظم به الجزلات مثل القلاده
واطرب بها سمع الزحول الحكيمين = اللي تميّز حرنا من براده
ياللي بدعت القاف للقاف تثمين = وإن ما عرفته ما سلمت النقاده
من لا مشى درب الرجال الميامين = يقضي حياته بين هم ونكاده
( خذها نصيحه رد حق المساكين ) = اللي بلاهم منك يا أبو زناده
جتك النصيحه واضحه بين قوسين = وإن ما سمعت النصح والله قراده
إمّا تحشم للرجال الحشيمين = والا حجزنا رقمكم في العياده
الجيم يا مطنوخ ما يسبق السين = ياشين هرج الرجل لا جاء بزياده
الهرج بعضه يقسم الكبد قسمين = والبعض ما يجلب على الناس فاده
والبعض شين وصاحبه يعتبر شين = والبعض ما به خير مثل الرماده
والبعض يرجح في جميع الموازين = مثل العسل واكثر حلاه بزياده
والبعض مثل الكحل في داخل العين = يرتاح مكحول العيون برقاده
هذاك زين وصاحبه يعتبر زين = محبوب لو إنه يحب العناده
نعطيه تقديره على الراس والعين = ونحط كل المجد عنده وساده
وختامها صلوا سواة المصلين = على الذي يملك لنصف الشهاده
[/poem]

بسم الله الرحمن الرحيم

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
يا هاجسي لا تتبع اللي يعنّيك = سطوة بنانه ما تعدى بنانه

احسب حساب المنتدى اللي يحيّيك = خلّك على ما قيل من شان شانه

واحسب حساب ربوعك اللي تواليك = اللي لهم بين النشاما مكانه

واحسب لمن هو في الخفايا معاديك = يضحك وقلبه للنوايا خزانه

لاتغلي اللي ما نوى يوم يغليك = ماينفعك لو كان طوّل زمانه

واللاش خله لو ربى في مرابيك = لاترتجيه ولاتصدق ضمانه

انصى الكريم اللي يرحّب وناصيك = يفداك من ماله وفزعة خوانه

وليا بغيته ما يضيّع هقاويك = وقت المواقف ما تعثّر حصانه

ياراعي السطوات بانت خوافيك = حذراك من سطوة مضيّع حنانه

سطوة رجال احرار ما هم مماليك = قول وفعل والوقت يشهد لسانه

خذها نصيحة من شجيعٍ يداريك = لو كان وده ما تخون الأمانه

خايف يجي يومٍ وتكثر عزاويك = ولياك ما لك بين الأجواد خانه

لن جيتنا بالطيب حنّا نباريك = بسلوم ربعٍ ما تعرف الخيانه

وإن كان شايوش الوساويس مغويك = خسران يا ماشي دروب اللعانه

لن زان وقتك ما لك الله نخلّيك = حتى إن وزن الوزن تعدل وزانه

وإن شان وقتك كلنا من حواليك = حصنك ليا ذكرة حصون الحصانه

واختم كلامي يا عسى الرب يهديك = وايضاً ليهدينا ونسكن جنانه
[/poem]

بسم الله الرحمن الرحيم

[poem=font="arial,6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
باسمه ولي العرش ابدأ بالكلام = يا سامعي خَلّك معي لا تنشغل

للشعر وقفه واسمعوني يا كرام = ودي اشاركم بهذا المحتفل

موقف مشرّف ما يخالف للنظام = شعري على شان النّشاما ما ذبل

ما اني من اللي ينظم ابيات الغرام = ولا كتبت الشعر في باب الغزل

يا هاجس اشعاري دخيلك لا تنام = أرسل عليّ شعر يضرب به مثل

في حفل تكريم الرياجيل الحشام = في ليلةٍ تجمع عطارد مع زُحل

الليلة الليلة نبي نهدي وسام = لأصحابنا اللي سالمين من الزلل

مني لأبو ايمن تحيه واحترام = راع الوفا والطيب نبراس الأمل

هيبة ملك ما يختلف في كل عام = تزاحمة في باب ذكراه الجُمل

تاجٍ على راسي ولا فيها ملام = من حقنا نفخر بمثلك يا رجل

والا الثويني من جويدين الحزام = اللي ليا هبّة رسا مثل الجبل

تاريخ في ذاته ومرفوع المقام = اسطور للأبداع في حنكة بطل

حبه سكن جوف الحشا بين العظام = الكل مغرم فيه .. رُجّال وطفل

وختامها صلوا على خير الأنام = نبينا المنقذ من دروب الجهل
[/poem]

بسم الله الرحمن الرحيم

[poem=font="arial,6,blue,normal,normal" bkcolor="white" bkimage="" border="double,3,red" type=2 line=1 align=center use=ex num="0,black""]
أبتدي باسم الإله اللي عليم بكل غيب = عالمٍ باحوال خلقه في البيان وفي الخفا

من بدأ باسمه لك الله يا النشاما ما يخيب = علم متوارث وثابت في الكتاب المنزلا

من هجوس الشّعر غرّد في سمايه عندليب = اسمعوا تغريد من جاب القصايد والحدا

كسّرت كل الحواجز والبعيد اصبح قريب = لو عوا ذيب الخلا ما احدٍ يخاف من العوا

لو تنادي يا المنادي ما تلاقي من يجيب = حولك اجناس البشر لكن ما تسمع ندا

الهديا قسّمت ما بينهم حظ ونصيب = احد حظه معتلي والبعض حظه ما اعتلا

مو صعيب انك تلاقي لك بهاالدنيا حبيب = بس وين اللي مع اصحابه ولاحبابه وفا

الجروح اللي بجوفي ما يداويها الطبيب = لو يحاول في دواها مالها عنده دوا

من صواديف الزمان اللي بها شكٍ وريب = كل ما اقفت وحّده وإن الأخرى في السرا

هجرةٍ يا اصحابنا دائم بها الصادق غريب = لو صفا في نيّته ما احدٍ يقول مجمّلا

يا مكافينا مواقيف الزمان اللي عصيب = بعد ما شفت الحقائق بين بيع ومشترا

درهمي يا ام الجمايل قبل شمسك لا تغيب = درهمي بحمولك اللي وزنها ما هو سوا

درهمي قدام شعر الراس يكساه المشيب = وافرحي ما دام عندك لبس ضافي للشتاء
[/poem]

[poem=font=",6,blue,normal,normal" bkcolor="transparent" bkimage="" border="double,3,red" type=2 line=1 align=center use=ex num="0,black""]
بديت باسم الله رب السموات = عالم بمكنون النفوس وقدرها
اكتب على بيض الورق بعض الأبيات = واختار من نظم القوافي دررها
شاعر ولي في الشِعر صولة وجولات = تشهد شيوخ القوم وايضاً جبرها
يا مرحبا ترحيب ما فيه هفوات = بضيوف حفلتنا ومن هو حضرها
في ليلةٍ تنثر بها العين عبرات = بأسباب فرقا الطيبين وسفرها
مرّت سنين وكنها عد ساعات = هم فرحتي ولعين راسي نظرها
الجحدلي معروف رجل المهمات = كل الجمايل في البشر محتكرها
رفيق دربي في طويل المسافات = ما انساه لو تنسى الأوادم ديرها
والشيخ أبو هاني صريح العبارات = دوم الصراحه عند مثله خبرها
هرجه صويب ولا يجي فيه زلات = وليا سمع هرجه كسيرة جبرها
والا الرفاعي له مع الوقت وقفات = تشهد له برور الديار وبحرها
يحكم لهم بالعدل في كل الأوقات = في جعبته صفر الكروت وحمرها
صلوا على المختار خير الصلوات = عداد رعّاد المزون ومطرها
[/poem]