أهل الأوايل.............قوم المواخير

#1 06-26-2009, 06:19 AM

[poem=font="simplified arabic,4,darkblue,bold,italic" bkcolor="orange" bkimage="backgrounds/24.gif" border="double,4,black" type=1 line=0 align=center use=ex num="0,black""]
راحوا بها عنا ياسالم بن جخير=اللي ما يسوى قرمهم مع خبلنا
راحوا بها عنا عيال ال..........=مناصب الدولة وثروة وطنا
راحوا بها عنا وحنا المناعير= حنا الرجال أهل المواقيف حنا
حنا هل الوقفات يوم المعاسير= مير الليالي خالفن وأخلفنا
حنا النشاما والرجال المسافير= حنا أهل ساير ومذهب وقنا
حنا هل البن والدلال المباهير=حنا هل البيت الرفيع المبنا
الضيف يلقى عندنا كل تقدير=ولا عمراحد في واجبه قد تونا
على ظهور الخيل لا دارت نغير= حتى جنوب الخيل بالدم تحنا
ودارالفلك وأخلف معه وجهةالسير= وحنا لدورات الفلك ما فطنا
اللي منول منزلة قاعة البير= على شفاها اليوم بالقاف غنا
وأهل الأوايل عودوا فالمواخير= وفازوا بها قوم المواخير عنا
يالله دبرها بحسن التدابير= وشلون كانوا كيف وشلون كنا
أغراب جونامن بعيد المشاوير=ثم أنزلوا بالمنزل اللي نزلنا
جونا من ديرهم فقارى مداهير= ثم أغتنوامن خيرنا اللي بذرنا
مدري قرادة حظ مدري مقادير= مدري من الصوبين منا ومنا
ما قلتها أستغفر الله تحقير= وراي يوم الحشر نارٍ وجنا
ينجي بتقوى الله وسيع المناخير= وأهل الحسب وأهل النسب يهلكنا
لكن شوفوا في طرفكم معاذير=وحذرى الملامة والعتب يلحقنا
[/poem]

#2 06-26-2009, 11:23 AM

اخي القدير طلال ابن جفين

شكرا لك على القصيده الجميله والاكثر من رائعه جعلك على القوه

والسموحه عن اللبس الذي حصل لاعدمة زولك الغالي

#3 06-26-2009, 01:45 PM

شاعرنا الغالي طلال بن جفين

18 بيت شعري فيها من الحكم الشئ الكثير

قصيدتك الجميلة رائعة جداً

وفقك الله

#4 06-26-2009, 02:32 PM

" الغالي " *** " طلال بن جفين "
الله يعطيك العافية وبيض الله وجهك على القصيدة الرائعه
صح لسانك يا الغالي
تقبل مروري وتحياتي
" الوليد بن فارع بن غطيش العجيفي "