هيه ياللي غرك الليل واغـراك النديـم
هيه ياللي هزك الشوق والمسرا ضياع

وقفي بين الخطأ والسـراط المستقيـم
وألعبي بين التراحيب وكفـوف الـوداع

سولفي من المشاريه في صوت الحشيم
واسكتي مثل الشفايف اليا طاح القنـاع

واضحكي مثل النواوير في روضة خريم
واغربي مثل المزاجات في غربي الرفاع

وابعدي مثل المتاهات في حلـم اليتيـم
واقربي بين السوالف وكتفي والـذراع

وانظري لي نظرة الشوق للشيء القديم
واغرقي بالدمع الازرق مظاليلً وسـاع

واصبري مثل المسافات في صبر الحليم
واسمعي صوت الهوى يوم فليت الشراع

يوم صرتي عود ريحان ورضاي النسيم
اصبري يا نجمة الصبح ما للصبـح داع

قد طلبت الله وانا بين زمـزم والحطيـم
شوفتك يا اغلى ثنية اليا صرتي ربـاع

العيون تجوع لك جـوع والله العظيـم
والعشاء فعيونك السود وعيوني جيـاع

ان عطيتي ما يـرد الكريـم الا الئيـم
وان بخلتي قلت تكفين والدنيـا متـاع

اقبلي مثل التباشير في وجـه الكريـم
وارحلي مثل التعازي على موت الشجاع

__________________